Deskribapena
Ciudades y fortalezas del siglo XVII liburua Cartografía española y americana en la biblioteca nacional del Perú liburua ARMA PLAZA Fundazioaren eta CEDODAL-en (Centro de Documentación de Arquitectura Latinoamericana) arteko lankidetzari esker 2014. urtean argitaratua izan zen 2015ean ospatu zen Hondarribia Ondareen III. Foroan aurkeztu zen argitalpen hau.
Lanak oharkabean pasa den aparteko dokumentu-funts bat balioan jartzen du eta Iberoamerikako hiri-historiari buruz galdera mamitsuak planteatzen ditu. Ricardo Palmaren (1833-1919) garaitik, Peruko Liburutegi Nazionalak, berrogeita hamar plano baino gehiago, gaur egun zaharberrituak eta zabalduak daudenak, dituen ale bitxi bat gordetzen du. Horietako hogeita zortzi espainiar hiri eta/edo gotorlekuak dira eta beste hogeita bi amerikar lurraldeko, Mexikotik Txilerainoko doan eremuko hiri eta gotorlekuei dagozkie.
Hondarribiko gotorlekuari dagokionez, liburuak, haren azala eta barrualdea, argitaratugabeko XVII. mendeko Hondarribiko gotorlekuaren planoa jasotzen du. Bertan, Hondarribia eta Hendaiako hirien gotorlekuen eta bastioien zerrenda irudikatzen da. Bidasoa ibaiaren bokalearen xehetasun handiko marrazkia da eta azken ukitua kolore biziko akuarelaz egina dago.
Argitalpenak, hiriak 1676an zituen bastioiak eta babesak irudikatzen dituen Juan Manso de Zúñiga ingeniariak egindako gotorlekuaren oinplanoa ere badu.
Ramón Gutiérrez, arkitektoa eta historialaria, Europan eta Amerikan Latinoamerikako arkitekturaren eta hirigintzaren historia ezagutzeko erreferente nagusia da. Buenos Airesko Unibertsitateko Arkitektura Fakultatean lizentziatua, Argentinako Buenos Airesko eta Nazional Ipar-ekialdeko Unibertsitateetako Arkitektura Fakultateko irakaslea izan zen. Historiaren Akademia Nazionaleko eta Arte Ederren Akademia Nazionaleko kide osoa da. Hirurogeita hamarreko hamarkadaz geroztik, Iberoamerikako Kultura-Ondareari buruzko gaietan, UNESCOren aholkularia da. Zenbait unibertsitateetan Honoris Causa Doktorea da. Ospe eta bokazio humanista handiko intelektuala da, eta bizitza osoa ikerkuntzan eta irakaskuntzan eman du. Bere jabetzako funts bibliografiko, hemerografiko eta dokumentaletan oinarrituta, Amerikan eta Espainian hogeita hamar urte baino gehiagoz bildutakoak, 1995ean CEDODAL, Latinoamerikako Arkitekturaren Dokumentazio Zentroa sortu zuen. Bere ahalegin pertsonalaren emaitza izan zen.
Félix Benito, Espainiako Ondare Historikoaren Institutuko arkitektoa, arkitektura- eta hiri-ondarea berreskuratzen egindako lanagatik nabarmendu da. Segovian hirigintza zinegotzia izan zen eta bere hiria 1985ean Gizateriaren Ondare izandatu zuen UNESCOren izendapenaren izapidetzan eta oinarritzean, paper garrantzitsua izan zuen. Madrilgo Europako Unibertsitatean Hirigintzako eta Lurralde Antolaketako katedraduna izan zen, eta, azken urteetan, Kultura Ministerioaren mendeko Espainiako Ondare Historikoaren Institutura arkitekto gisa itzuli zen. CEDODALen laguntzaile sutsua da.
Izenburua: Ciudades y fortalezas del siglo XVII. Cartografía española y americana en la biblioteca nacional del Perú
Egileak: Ramón Gutiérrez eta Félix Benito
Argitatzen du: CEDODAL eta ARMA PLAZA Fundazioa
Urtea: 2014
Hezkuntza: gaztelania
Orrialde-kopurua: 152
Salneurria: 30 €
Neurriak: 29 cm x 20,8 cm
ISBN: 978-612-4045-21-9
