Deskribapena
Javier Ugarte Hondarribiko hiria (1852 – 1919) erakusketaren harira argitaratutako katalogo hau Javier Varela de Ugartek, Javier Ugarteren birbilobak, eta Ana Azpiri Albisteguik egin zuten. Aukera paregabea eskaintzen digu Javier Ugarteren ibilbide profesional luzea eta XIX. mende amaierako eta XX. mende hasierako Hondarribiko hiri-eraldaketari buruzko kudeaketa ezagutzera hurbiltzeko, kargu politiko garrantzitsuekin batera.
Javier Ugarte abokatua, politikaria, idazlea eta Hondarribiko bizilaguna Bartzelonan jaio zen 1852ko otsailaren 24an eta Madrilen hil zen 1919ko ekainaren 27an. Hondarribiko Parrokia-elizako kriptan dago lurperatuta, emaztearekin batera.
1868an Madrilera joan zen Zuzenbide ikasketak egitera Unibertsitate Zentralean, non 1873an Zuzenbide Zibil eta Kanonikoko Lizentziatu titulua lortu zuen. Karrera profesional bikain baten hasiera izan zen, 1913ko urriaren 27tik 1915eko urriaren 25era bitartean Eduardo Datoren lehen gobernuan Sustapen Ministro izendatua izatera eraman zuena.
Hondarribiarekiko duen maitasunak bere etxea izatera eta oporretan Bidasoa ibaiaren ertzean dagoen txoko honetaz gozatzera eramaten du, bere familia ugariarekin batera.
Bere gaitasun intelektual handia, halaber, bere literatur lanetan, poesietan… islatzen da, non bere nortasuna agerian uzten den, espiritualtasun sakonekoa eta sormenerako gaitasunekoa.
1907ko uztailaren 13an, Hondarribiko Udalbatzak Hondarribiko Adopziozko Seme izendatzea erabaki zuen, esker ona eta maitasuna adierazteko, udalerriarekiko harreman pertsonalagatik eta tokiko proiektuetan etengabe parte hartzeagatik.
Javier Varela de Ugarte, Javier Ugarteren birbiloba, arkitektoa eta Serta Arquitectos fundatzailearen bazkidea da. Hondarribian Javier Ugarteren omenezko erakusketa eta oroimen proiektu honen sustatzailea izan da, haren heriotzaren mendeurrena dela eta.
Ana Azpiri Albistegui, Artearen Historian doktorea Madrilgo Unibertsitate Konplutentsean, Lurralde Politikan masterra eta Arkitektura-konposizioko irakaslea Euskal Herriko Unibertsitatean, hirigintzan eta legerian aditua XVIII-XX mendeetan. Euskal Herriko ondarean espezializatua, besteak beste, honako izenburu hauek argitaratu ditu: Arkitektura eta Hirigintza Hondarribian 1890-1965, Hondarribiko Udalak argitaratua.
Izenburua: Javier Ugarte eta Hondarribiko hiria (1852-1919)
Egileak: Javier Varela de Ugarte eta Ana Azpiri Albistegui
Argitatzailea: ARMA PLAZA Fundazioa
Urtea: 2019
Hizkuntza: euskara (gaztelaniaz ere eskuragarri)
Orrialde-kopurua:52
Neurriak: 21 cm x 21 cm
ISBN: 978-84-09-12530-2
